شعر/ليلة العمر

                                    اللى كاتبه ده كتبته لاجمل حد فى حياتى
                 ويارب تعجبكم واكيد
                 كلنا بنحلم باليوم ده مع اللى بنحبه


واهو جيه اليوم اللى انا بتمناه
حبيبى هعيش كل لحظة حلوة معاه
واخيرا هتبقى حياتى احلى حياة
انا من غيره عايش فى معاناة
ومهما عدى عليا برده هستناه
نفسى اكمل كل حياتى وياه

الناس فرحانة من حوالينا
شايفهم مبسوطين بيغنوا لينا
والكوشة منورة بينا
بيرقصوا وهما ماسكين ايدينا
شايفين
حبيبتى قمر لابسة الطرحة
عيونها جاية ومالايها الفرحة
حاسين
عنيا بتدمع وانا شايفها
فرحان اوى ونفسى اخطفها
حاسس بحاجة عمرى ماحسيتها
مصدقين
مدت ليا ايديها نرقص سوا
نطير انا وهى على اجمل هوا
طيرت معاها من الارض للسما
خلاص
من بعد ماكنت ساكت هتكلم
قلبى وعمرى معايا ومش هتالم
وانا بقيت مللكك وهسلم
دلوقتى
السعادة بقيت سكتنا
شوية وهنبقى فى بيتنا
والدنيا هتتحول جنتنا
عينى
شايف قمر جوه الفستان
ابيض منور احلى اللالوان
حاسس بحاجة فيها حنان
حبيبتى    قلبى هو المكان
مفتاحى فى ايديك
ادخلى من غير كسوف
هتنسى معايا كل الخوف
شايف لون وشك مخطوف
متخافيش
هنعيش مع بعض اجمل غرام
والليلة هقول ليكى احلى الكلام
انا ويا قلبك عارف انى مش هنام
مش هسيبك تهربى منى خلاص
خدتك وبعدت بيكى عن كل الناس
ولو مش مصدقة اكيد هتحسى نفس الاحساس
انى من غيرك هفضل محتاس
بحبك قدام   عيون كل  الناس
اكيد انا عندى كلام كتير
لو اوصفللك عايز وقت طويل
بعشقك ده حاجة فيا ملهاش تفسير
هبقى لعيونك وليكى اسير
دخلتى حياتى وحصل اجمل تغيير
بحبك وملهاش تفسير
بحبك اوى












بقلمى
ليلة العمر
احمد جمال