كيلو بودرة

كيلو بودرة
بتحطه بنت الجامعة الامورة
عشان لازم تبقى فى الصورة
تعلموا ايه اصلها لسه صغيورة
وكلهم بيقولوا عليها فرفورة



كيلو بودرة
مينفعش تنزل هيا من غيره
عايزة تتعب قلب الواد وتفكيره
وهو ياعينى يقع وتزغلل عينه
وبتاكل علطول العيش الفينو



كيلو بودرة
يابنى كل ده مقلب على الفاضى
نفسى تسمع منى وانت راضى
ابعد عنهم احسن وخليك ايجابى
دول اساسا منظر وجواه  فاضى



كيلو بودرة
بتنط من كافتريا لكافتريا
وانت تعبان اصمله ياعينا
من طب لصيدلية رايحة وجاية
وانت وراها بنت مفترية
بتمشيك على هواها
وانت متخافش رايح فى دهية






كيلو بودرة
مفيش يابنى احلى من الحقيقة
كله دلوقتى مزيف بس اعرف الطريقة
ممكن تاخد ثانية او ممكن دقيقة
خليك ويا هدفك  هيا ديه الحقيقة




كيلو بودرة
عايز تعرف انت ماشى فى سراب
طريقك اخره ونهايته اكيد ضباب
مفيش حاجة اسمها احباب
او ده انتيمتى واساسا اصحاب
كله كدب كله والله سراب



كيلو بودرة
امشى عدل يحتار عدوك فيك
عمر محد يقدر يقول كلمة عليك
وانت باخلاقك الناس هتناديك
وتشارو وتفضل برده باصة عليك
بهرتهم انت بنظرتهم ليك
خده منى نصيحة يابنى ليك
خليك فى نفسك احسن
مااللى بتعلمه فى الناس يجى عليك







بقلمى
احمد جمال
كيلو بودرة

احلوت

قلبى نده عليك من بين القلوب وحبك
حلمه ودايما بيحلم بيه يجى اليوم وياخدك
الدنيا هتفرح وترقص عشان قلبى هيقوللك
حبيت قد ماحبيت محستيش الا بقلبك



الدنيا احلوت حبيبى بلقاك
اتغيرت حياتى عشان معاك
بقيت بتشاق وانت معايا لرؤياك
انا دايب وبدوب فى هواك
انا هنسى كل الناس ومش هنساك




هخبى حبيبى قلبى من كل العيون
اصلى دلوقتى حبيته وبقيت مجنون
وقلبه وحشنى لو تعرفوه ده حنون
فرحتى حاسسها بتهز الكون




بدعى ربى يحفظه حبيبى ليا
وانا اقفل عليه جوه عنيا
ده بقى منى وساكن فيا
والوقت معاه كانه ثانية


بقلمى
ساعات بتجيلى لحظات بكتب حاجات بحسها بيها ممكن
تكون قليلة او مش مظبطة بس مش بحب اعدل فيه وبسيبه زى ماهو
وشكرا

وقدرت تبعد

قدرت تبعد وتتعود على فراقى

بعد ماكانت عايشة على اشواقى

سابت كل الحب وحبيت دائى

وانا فى الحب ضعيف مش لاقى

اى علاج ينسى الحب وسيرته

رجع من تانى قلبى لحيرته

وانا كنت مش زعلان  منه

بس قلبى هو اللى اشتاقله

اول حب فى حياتى كان هو

دلوقتى قلبى خلاص مات من جوا

نهايتى معاك انتى كتبتها بايدك

انا كنت لحد اللحظة ديه حبيبك

فين حبك فين راح ضمير ك

انا اللى حبيتك وشايللك خيرك

جيتى عليا مش عارفة تسامحينى

طيب والدمعة اللى جوه لسه فى عينى

مين يمسحها غيرك ردى عليا جاوبينى

بس تصدقى انتى عندك حق

انتى مش عايزنى وبتقولى لا

وانا بقولها كمان خلاص لا

هنساكى علشان انا اتخنقت

من تجربتى معاكى اتعملت

محبش فى حياتى اى بنت

يا خسارة اللى ضيعته من الوقت

قلبى هدوس عليه عشان هو اتزل

وانتى دوستى عليه مفيش امل

وايه ينفع فى الحكاية ديه عمل

بشكرك على لحظة حبيتك فيها

سبت ساعتها الدنيا وجيتللك فيها

انا هرجع افكر بعد ماكنت ناسيها

اسف على اى حاجة جيت عليها

بقلمى

احمد جمال
شاعر المستقبل

قلبى قفلت عليه

لوحدى رجعت فى الدنيا لوحدى

راح حبيبى وسابنى فى السكة لوحدى

قلبى خلاص اهو مات قدامه ومش بخبى

رجوعه ليا ياريت بس مش فى يدى

انا مت تانى وومحدش حاسس بيا

سابتنى فى دنيا غربية شايفها عليا

كل الابواب اتقفلت ومفتاحها مش فى ايديا

قالتى انسى انك ممكن فى يوم ترجع ليا

مش عارف اعيش انا من غيرها

قلبى برده لحد اللحظة ديه شايلها

لو اعرف كنت سبتك انا زمان

بس للاسف حبك كان زى البركان

كل اللى عايز ادهوللك شوية حنان

بس انتى سبتينى انا خايف مفيش امان

انا عايش ومش عايش ميت من جوايا

سبتنى اللى كنت حبيبها وكانت معايا

حلمت بيها كانت احلى نجمة فى سمايا

قالتلى مش قادرة اسامحك كده كفاية

قولتلها انا مجرحتكيش انتى منايا

كان نفسى تدينى فرصة وتسمعينى

مش كل ماكلمك تقولى مش عايزة وترفضينى

انا اللى فضلتك على الكل دلوقتى بسهولة بعتينى

والنور اللى كان منور حياتى انطفى من عينى

يارب صبرنى على اللى انا فيه

مليش غيرك دلوقتى احس بيه

انا اللى غلطت واستاهل اتحاسب عليه

سامحنى انا مليش غيرك فى الدنيا ديه

وانا مش هحب تانى خلاص قلبى قفلت عليه

ومفتاحه ضاع ومحدش هيقدر يوصل ليه

بقلمى

احمد جمال

سامحينى

سامحينى عشان خاطرى ماتسبينى

انا عايش ليكى وانتى فى قلبى ونور عينى

عمرى فى يوم ماقدر اجرحك او اجى عليكى

انا حبيبك ونفسى من غرورى وغلطى تخبينى

انا مغلطتش ولا قصدت فى يوم الاهانة

انتى عارفة انا بحبك ومقدرش اشوفك متهانة

والحب اللى شفته انا منك للاسف ساب علامة

لومينى انا غلطت فى حقك وهستحمل الملامة

لو سبتينى يبقى كده شكرا راح قلبى بالسلامة

انتى ودايما هتفضلى تاج فوق راسى

هتباهى بيكى قدام الناس يااغلى ناسى

اسالى وهتعرفى من قلبى احساسى

انا لايمكن اكون عليكى فى مرة قاسى

تعالى نتسامح وننسى كل اللى فات

مقدرش نسيب حبنا يتحول لذكريات

نبدا من الاول تانى ونخلى احلى الاوقات

والفرحة تنده عليها عيونى وتقول هات

انا بحبك وحبى اتكلم ونسى السكا ت

حبيبتى مش هتكلم عن الحزن تانى

خلى كل اللى يبقى بينا اجمل الامانى

والاحساس اللى فيا وحاسه  جانى

وحشتينى كلمة نطقها قلبى بكل المعانى

حبيبتى مقدرش على البعد لو حتى ثوانى

سيبتك تفكرى وقولت ايوا يمكن اقدر

طلع عقلى  هو اللى غلط بيفكر

لكن قلبى مكانش فى يوم يتصور

انه يبعد ويسيب قلبك يتكسر

ممكن حالتى بعدك تتدهور

وكل حياتى فى ثانية تتغير

بس من كل قلبى بجد

انا بعد كل ده حبيتك اكتر

بقلمى

الى حبيبتى

ويارب تسامحنى

بحبك