الخميس، 29 مارس 2012

قدر ومكتوب

كل اللى بنشوفه فى الدنيا قدر ومكتوب
بكره هشوف مين وبمين هتتعلق القلوب
بس لمين انا هشتاق ولمين انا هدوب
الله اعلم بيه هو اللى قدر كده يادوب
لازم نرضى بيه مينفعش نرفض المكتوب




زرقك ربنا شايلهوللك محدش هياخده غيرك
فى ناس ناسية ربها وعينها على نصيبك
متخافش اتولدنا ولينا نصيب وربنا مش هيسيبك
ذاكرت هتنجح اشتغلت هتلاقى ده هيبقى مصيرك





زرقك لسه مجاش متياسش من رحمة ربنا
لسه بيختبرك وممكن تقع زى كتير زينا
مصبرناش ليه ده لسه مجاش وقت حلمنا
محدش هيستسلم ولا يوم هنفرط فى حقنا






احباط ويائس مفيش امل وكل ده اكيد محاوطك
مش لاقى حد وعايز تعيش دور حد يبقى جمبك
مين بيبقى معاك علطول غير ربنا واقف فى صفك
بس انت ناسيه والشيطان بيحطم اكيد هدفك








فكر بس انت فى كل خطوة وسمى معايا بسم الله
شوف زرقك هيبقى معاك وتلاقى ابتسمت الحياة
بعده ماتلاقيه اقوللك حاجة اياك فى يوم تيجى تنساه
قرب منه وادعيله واشكره على رزقه فى كل صلاة





ازرع حبة امل وشوية تفاءل وانت معاهم يكبروا جواك
ساعتها اقدر اقوللك ان حلمك مش هيبعد لا هيستناك
خد ناس تحقق هيا كمان حلمها خدهم يالا معاك
فى كتير بينسوا بس انت افتكر اللى خلقك فى دعاك





الحمد لله لينا مين غيره لما نحتاجوا نروح ونلجاله
مين بيحلم معايا ومين عايز زى حلمه يتحققالوا
وكرمه علينا فى كل وقت مين فينا يستاهله
انا فى حزنى ولا فرحى ولا ضيقتى دايما بحتاجله





وهستنى مش مستعجل على انى احقق حلمى
ربى معايا فى كل وقت حاسس انه هيساعدنى
هعيش المهم ابقى راضى مش جاحد على عيشتى
صبرى على الحلم ورزقى معاه هو اللى علمنى
انى استنى اليوم ده حتى لو كان اخر يوم فى عمرى










بقلمى
احلم معايا
بس متنساش ربنا وانت بتحلم
هذه الكلمات تعبر على ان زرقك
لن ياخده غيرك وان لك ولكن انتظر
وقت زرقك لم يحن بعد
فالله له حكمه لا نعلمها نحن البشر
ولكن يعلمها هو فقط
فاصبر على الزرق والحلم ولا تنساه
هتلاقى حلمك اتحقق فى الحياة
وخلى ادواتك دايما امل وتفاءل
زائد ثقتك بالله هتلاقى كل حاجة
بسهولة اتحققت معاك انا زيك
لسه محققتش حلمى بس مش خايف
عليه لان ربنا مطمنى انى هحققه
مهما طال الزمن انا مستنى ومش مستعجل


ل____احمد جمال

الثلاثاء، 27 مارس 2012

عايش بس مخنوق



حاسس انى عايش بس مخنوق
وحياتى مليانة مر ومنها انا بدوق
قلبى مسكت النار فيه بقى محروق
محدش حس بيا وكله باصص لفوق




محتاج حد يكون جمبى لانى حزين
فين القى الامل يصحى قلبى المسكين
قولولى على مكان يبقى مليان حنين
ياخد قلبى معاه لطريق اوله حب دفين






سكوتى ساعات بيكون مش ضعف منى
حلمى بس عايز احققه وبيبقى شاغلنى
همومى كتير عليا وخايف فى يوم تحطمنى
محتاج لشوية امل فى الحياة ديه تاخدنى






انا واقف على رجليا ومستحمل شوك الارض
احلم معايا متخافيش عمر ماحلمك هيتهد
اكسر خوفك ويايا تعالى نكسر كل سد
حط ايديك فى ايدي ملناش يا صاحبى الا بعض




خايف ليكبر ساعتها سنى وانا لسه معملتش
كل يوم بيعدى انا من جوايا بصرخ انى ملحمتش
ياخسارة وقت ضاع منى فى الحياة ديه متعلمتش
بس اتعملت انى لما ابنى حلمى فيه انا مهدش




حسيت اكيد فى يوم ان ملكش لازمة فى الحياة
وانك بس اتولدت عشان تشوف كل الوقت معاناة
وحلمك ليه بقى مجرد حلم وبطلت ليه تستناه
واللى ليه حلم فى الوقت ده انا بحسده يابخته ياهناه


فيه ناس حواليك مش بيحبوك وبيهمها بس تكسرك
وفيه ناس تانية بتقف جمبك وبتحبك وبالخير بتخيرك
وناس من صبرهم على حلمهم فيه حاجات بتحيرك
بس عايزك تتعلم من كل دول حاجة بس ممكن تغيرك




اختار حلم مابين الاحلام وحاول بس فى الاول تحققه
اتمسك بيه وعيشه زى ماناس كتير غيرك عاشته
واملك فى ربنا مش عايزه يتوه منك لا عايزك تصدقه
وفى ناس ضعفت ومقدرتش تتحمل وحلمها بسهولة سابته




انا مش بضحك عليك ولا بحب وبس اكتب كلام
مش عيب انى انصحك وادللك على طريق الاحلام
مش كل شئ يبقى واقعى بس ابعد انت عن الاوهام
فى ناس فاقت من الغيبوبة وفيه ناس راحت تنام
حاول تختار مابينهم انت مين فى دول وبص لقدام




بقلمى
محبط بس هغرق فى الاحلام




الجمعة، 23 مارس 2012

نقطة سودا

هنساكى عادى وارجع اعيش حياتى
انتى هتبقى نقطة سودا فى ذكرياتى
روحى امشى بعيد انا مش هستناكى
لسه فيا الروح وعايش مجتش لحظة مماتى





هاخد وقت لما انسى بس بعدك هعيش
انا مش عايزك تانى خلاص متلزمنيش
انا مجروح ايوا بس عليا انتى متخافيش
هعرف اكمل مش هقف بس متستنيش








خسارة وقتى فيكى واللى ضيعناه احنا سوا
لما كنتى معايا للاسف اتنفسنا نفس الهوا
جرحى هعرف ادويه وسهل جدا القى الدوا
والقلب تعب شوية بعد مابنارك انكوى





اتخدعت فيكى لما جيتى وقولتى انك بتحبينى
منين بتحبى وازاى تغلطى فيا بسهولة تسبينى
خسارة بندم على كل لحظة اديتك فيها حنينى
انا زعلت شوية بس على الاقل منك ريحيتنى





قلبى وجعنى شوية بس احسن لما سبتيه
ياريت فى حنية قلبى حد غيرى ممكن تلاقيه
بس بعرفك حاجة قلبى كسب وانتى خسرتيه
هو كان لسه شاريكى بس بسرعة بعتيه




مهما قولت فيكى انتى مات جواكى الاحساس
مبقاش فى قلبك طيبة لا انتى قتلتى الاخلاص
كل بقى بيهرب منك انا كرهتك وحتى الناس
صعبتى عليهم ياعينى بس فات الوقت خلاص




مطلعتيش مننا لا واحدة غيرنا وكله اتقال
كان نفسى فى وقتها اساللك كام سؤال
انتى عارفة تنامى ازاى وقلبك ده محتال
انا لما سيبتك حسيت ساعتها ان ده حلال





روحى امشى بعيد وسيبى همى بقى ليا
واحدة غيرك هتمتلكنى وتمسح دمعة عنيا
هتراعى مشاعرى ولا فى يوم تيجى عليا
تصونى جوه قلبها تبقى روحى اللى فيا




هحبها واشيلها فى عيونى وفوق راسى
مش زيك واحدة كنت دايما منها بقاسى
هتبقى هيا حبيبتى واهلى وكل ناسى
ساعتها مش هيبقى خسارة فيها احساسى





وانتى مش عايز اشوفك تانى روحى مع السلامة
عايز فى وش الناس تضحكى وارسمى الابتسامة
وانتى من الاساس سامحينى معندكيش كرامة
وعمرك ماهتحبى حد ولا هتسيبى فيه علامة






بقلمى
البرنس احمد جمال

الخميس، 22 مارس 2012

قسمة ونصيب


حبيبتى متزعليش لما يتقال قسمة ونصيب
والحبيبة بتكون مضطرة تسيب فيها الحبيب
لحظة صعبة علينا بس ربنا ممكن يتسجيب
انا عن نفسى مهما عملوا لايمكن اسيب
طريقى لوحدى بعيد وحاسس هبقى غريب
انا مصدقت القى حد يحبنى واكون ليه حبيب






ليه يا دنيا  اللى يحتاجك جمبه ميلاقكيش
عاندى بعيد عنى سبينى انا عايز اعيش
بحلم وايه ذنبى حلمى ماسك فيا مابيسبنيش
انا بحبها ومين قاللك انتى انها مبتحبنيش
ادخلى جوايا وعشان خاطرى خليها متبكيش
حبيبتى لو الدنيا فرقتنا فى الجنة سوا هنعيش









للاسف مش كل حاجة عايزنها لازم ناخدها
بتكون حاجة واحدة من كل دول تقدر تختارها
سامحونى انا مش هعرف احب حد غيرها
بس نصيبها لغيرك تعمل ايه هو ده قدرها
ربنا كاتبها لحد تانى هيا ليه وربنا ليه خيرها
اكيد ربنا شايلل الخير سيبها تعيش لمصيرها







يارب تبقى سعيدة بس حاسس سعادتها معايا
حاجة من جوه قلبى بتنده عليها سامعها جوايا
اعمل ايه كل ماقول هقدر ارجع واقول ديه منايا
رسمنا لكل حاجة وخططنا ازاى هنبدا احلى حكاية
انا مش هحلم تانى خفت من الاحلام لا كده كفاية
كل مابحلم ينطفى نور الحلم واكتب حلمى فى رواية








اكيد انا مش عايش وبتكلم من مكان تانى
مكان دنيته انتهيت فيه احلى واجمل امانى
انا بصرخ بصوت عالى يارب الناس تبقى سمعانى
احزانى بعد ماهجرتنى رجعت فى سكتها واخدانى
مهما قالوا ومهما عملوا حبيبتى عمرها ماتنسانى
ولو خدتوها منى فى الدنيا هتكون معايا فى احلامى








ياحب تعالى اجمع مابينا عايز اعيش من جديد
مستعد والامل فيا لسه مارحش منى وسافر بعيد
حبيبتى انا ليها فى الدنيا او الجنة وبينا المواعيد
انا هصبر ده الصبر جميل وانا بقيت من حديد
شوقى ليها مش هيهدى لا هيبدا تانى يزيد
حاسة حبيبتى بنار قلبى ولسه عمالة بتقيد








نلف والدنيا ترجع بينا تانى لقسمة ونصيب
بعد ماحلمنا وقولنا هيتحقق يقولوا لاغيب
هيا مش ليك وهياخدها صاحب النصيب
مش ديه اللى هتكمل معاك وتكون انت الحبيب
امشى روح شوف نصيبك روح امشى بعيد





بقلمى
22/3/2012
23/3/2012
احمد جمال

كومة تراب


تعمل ايه لو كنت مضايق ومهموم
بتحاول تنام بس مش بيجيللك نوم
كل حاجة فى حياتك بتشبه نفس اليوم
نفسى افوق من الهم كل ماحاول اقوم
االقى نفسى مشلول والنهار اتحول لغيوم








طبعا مستغرب بتقول هو فى حد زيى
بيحس كمان بنفس شعورى والمى
اتارى فى ناس كتير  اانا افتكرت ان همى
فيا لوحدى طلعت كل الناس مضايقة زيى
فيهم كمان اللى مغيب وانا نسيت اسمى
همومى واحزانى للاسف غطيت كل حلمى





احيانا بيتهايلى انى عايز اصرخ بصوت عالى
اقول سبينى يا همومى سبينى فى حالى
اشمعنا انا بتكونى دايما ورايا وملاحقانى
واحلامى اللى بتمناه تبقى اللى خنقانى
ياحزن ابعد بعيد سيبك منى ياريت تنسانى







حاسس بضلمة عايشة فيا وعايز اخرج للنهار
خايف اوى من جوايا انا مش فى جنة لا فى نار
سايبنى لوحدى ليه ماتشدوش عليا الستار
انا لسه خايف وكان نفسى اخد زيكوا القرار
الحزن والهم خدونى معاهم فى دوامة انا محتار







دموعى محبوسة مبتنزلش لكن ببكى من جوايا
احلامى لسه مابداتش بس خلاص كتبت نهاية
انى مش هحلم تانى وللاسف مفيش بداية
حبيت الامل وحلمت بيه كنت عايزك معايا
بس سابنى اكمل لوحدى قالى ديه النهاية





محدش هيحس بيا وعشت لوحدى فى عذاب
ده مصيرى فى الاخر خلاص اتحولنا لاغراب
مينفعش نرجع تانى ونقول اننا نبقى اصحاب
حلمى انطفى نوره معلش اتحول لكومة تراب
لو حبيت ادور عليها هلاقها راحت وسط السراب






بقلمى
21/3/2012

الأحد، 11 مارس 2012

كل سنة

كل سنة وانت دايما فى قلبى
لسه وهفضل احبك مانتى امى
مين غيرك ولا حد يقدر يشيل همى
هبقى سعيد لما تفضلى جمبى
حبك بيزيد فيا لما بيكبر سنى




عارفة انتى بقلبك نشرتى الحنية
ازاى انسى اللى علمنى الرومانسية
لو اطول اخبيكى ياامى برموش عنيا
انا بتمنى اكون خدامك فى الدنيا ديه




عايش فى الدنيا بتنفس يامى بهواكى
يتقطع لسانى لو فكر فى يوم ينساكى
كل اللى بتمناه منك ياحبيبتى انول رضاكى
عارف تعبتى كتير منى واستحملتى شقاكى






اسف لو مرة يا امى عليت صوتى عليكى
مقدرش استحمل دمعة واحدة من عنيكى
لو تعرفى قلبى هينط ويقول بموت فيكى
بس عايزك هنا جمبى وربنا ليا يخليكى






امى ياريت فى صلاتك تفضلى تدعيلى
دعاكى يامى بسمعه ودايما بيخلينى
لو طلبتى منى روحى ماتاخرش بس ناديلى
لو مت يا امى فى صلاتك اوعى تنسينى





الملايكة دول بيحسدونى على ام زيك
مش لاقين حد فى حنيتك ولا فى قلبك
انا خايف من الحسد وانى ياامى ابنك
بس ربنا يحمينا من عين الناس وانا جمبك




انا لو قعدت من هنا للصبح هفضل اقول
احلى ام وعليها حضن ياخرابى مش معقول
عايز اسكن فيه ومخرجش ابدا افضل علطول
واللى مش مصدقنى يجرب بس انا مش مسؤل
ولا قوات الامن تقدر تخرجه من بين الايدين دول





عصافير طايرة فوق الشجر وبتغنى فى الكون
وحضن امى ده اجمل عش وانا فيه هكون
اللى عايزينى مش هجيله انا مش مجنون
اسيب الست ديه اسيب اجمل عيون
بحبك يامى بحبك فى اى حتة وفين ماتكون






لو هتجوز ياريت تكون فى حنيتك او شبهك
واجيب منها بنت تاخد منك ياامى خفت دمك
وتشبهك يا حبيبت قلبى حتى فى ضحكك
ولما تكسف يحمر خدها زى مابيحمر خدك
انتى جميلة يامى بقلبك ولا حد يكون قدك





بدعى فى كل صلاة ربنا يخليكى ليا
لو تعبتى فى يوم تعبك يجى فيا
انتى اجمل هدية ربنا انعم بيها عليا
لو مت وانا بين ايديكى ديه اجمل امنية
سامحينى يا امى اسف وحقك عليا
مش هخرج انا من دنيتى الا
لما تبقى راضية ياامى عليا








بقلمى
12/3/2012
ده طبعا حاجة متقدرش توصف اللى فى قلبى
لامى اجمل واحلى واطيب واحن ست فى الكون
كل سنة وهيا طيبة كتبتها بقلبى قلب قلمى
ربنا يخليكى ليا ويخلى كل امهات كل الناس بخير
وبصحة مية مية وربنا يرحم كل الامهات الغاليين
واكيد هما فى الجنة دلوقتى
ويارب نخرج من الدنيا ديه وامهاتنا وابهاتنا راضين علينا
ان شاء الله
ويارب تعجبكم ان شاء الله

مجرد صورة

بقيتى مجرد صورة متعلقة على الحيط
خلاص اتحولتى لورقة مليانة شخبايط
بعادك عنى فرحنى بجد انا  ماتهزيت
وزهقت من عندك زهقت من التثبيت
اتعملت منك حبيبتى ازاى اكون حويط







مستحملة بعدى عنك عارف انه عادى
بس لما بشوفك الدمعة بتنزل قصادى
ياما صالحتك بس مش هقدر المرادى
غلطت لما سبت نفسى اعيش فاضى
اعيش من غير قلبى واعيش راضى






فاكرة لما رسمت ملامحك فى خيالى
اتصورتك علطول معايا وكنتى فى بالى
لما اختارتك انتى تكونى وبس ام عيالى
لما سهرت فى حبك ياما سهرت ليالى
بس رفضت اعيش الواقع وعشت باحلامى






احنا فى دنيا وحبنا عمره ماكان جنة
انا هعيش لوحدى تانى ومش هستنى
بعد اللى حصل قلبى شايف ان فيه انة
اتغيرتى وخلاص منك انا بخلع سنة سنة
خرجنا من الجنة زى ابونا ادم وامنا حوا






كتير حصل مشاكل وبرده ياما الواحد اتحايل
رسمت الضحكة ف وشك  ده انا عملت عمايل
علشان ارضيكى بس حسبتيها عليا جمايل
وانك فى يوم ترديها مش عايزك تعدلى المايل
بس الحب عمره ماكان خد وهات ولا كان جمايل






بكلامى هتشوفينى يمكن اكون واحد مجنون
بس الاكتر فعلا واللى ضايقنى انى منك مصدوم
كرهت نفسى بسببك حسيت انى بقيت معدوم
واللى ظاهر انى صعبت عليكى وانى لسه مهموم
بس انا هقدر غصب عنك انا هبعد عنى الظنون





حاسبت نفسى مش هقرب ليه ولا هاجى عنده
يستحمل عذابى بس مش هيستحمل بعدى عنه
وعلى رائى المثل قال كل واحد ينام على جمبه
اللى يريحه مفهمنيش وخلاص يشيل لوحده ذنبه
يروح يشوف واحد غيرى يستحمله ويبقى سنده





فى ورقتك شطبت كلمة حبيتها كلمة شوق
حلفت على نفسى من حبك لازم افوق
وجرحك ليا فرحتى لما شوفتينى منه بدوق
مش هيسبك تركبى تانى وتقولى عايزة اسوق
انتى كنتى نايمة لا اصحى احنا مش فى سوق
وقلبى قفلت عليه خلاص وحطيته فى صندوق





الحقيقة قولتها فى الاول انك بقيتى مجرد صورة
اتشالت من قلبى وحتى فيه خلاص مش محفورة
عايزك تعرفى حاجة ان الدنيا ديه تافهة وصغيورة
وقلبى ده هكتب عنه كتب وهسميه الاسطورة









بقلمى
احمد جمال
12/3/2012

السبت، 3 مارس 2012

رجعت من تانى

الدنيا رجعت من تانى تتضحكلى
وطلعت مش بحلم ولا بيتهايلى
اللى حبيته من تانى رجعلى
وقالى انه لسه بيحبنى ومشتاقلى
قلبى سيطر عليا وعلى عقلى








ياااااااااه الروح رجعت من تانى للحياة
انا كنت ميت مش عايش ولا بنساه
دوبت فى الحب وخدنى دوبنى معاه
كدبت نفسى وقولت هعيش من غير هواه
لكن الحقيقة انى عايش عشان لقاه








احلوت حياتى واتغيرت لما بقيت معاك
مبقتش حاسس بطعم حاجة الا بهواك
انا عايشللك ولا يمكن فى يوم انساك
النجمة بتحكيلى عنك حبيبى يا احلى ملاك
الاحاسيس كلها بتكلم وبتقول عشاقك






متزعلش منى ولا عايزك حبيتى تزعلينى
لا انا هعرف انساكى ولا انتى كمان هتنسينى
لما تزعلى منى مش هتكلم عايز تحضنينى
فى احلامك كلها هرجع واكيد لازم تشوفينى
مش هبعد عنك ولا انتى حبيبتى يا نور عينى
وعينك لما تلمحنى عايزك فى الشوق تسابقينى







النهار لسه هيبدا والشمس بتنور وكلامى هقوله
قلبك ده ملك ليا انا مش لغيرى انا اللى هطوله
وقلبى حبيبتى ده مللك انتى وسهل الواحد ينوله
بكلمة بحبك طالعة منك هيوقع من طوله







بيتنا حبيبتى تعالى انا وانتى من تانى نبنيه
اول مانحط اخر طوبة مش هنستنى ونسكن فيه
حبيبتى اوى وبحبك وهحبك وقلبى غالية عليه
قلبك عايزه يجى يحضن علطول قلبى ويدفيه
لو سمعتى قلبى بيتكلم بسرعة ردى وكلميه
هيقوللك انه مبينمش الليل الا لما تيجى وتبوسيه




اروح وادور وامشى فى اى حتة وفين متكون
انا منك ومن حبك وصلت لمرحلة حلوة من الجنون
انا هبقى عينكى وهخاف عليكى ومشاعرى فيها سكون
ساكتة وهتقوللك بتحب قلبك وبتعشقه اصله حنون





حمدلله على السلامة احنا رجعنا لبعض
مفيش حبيتى تانى وخلاص راح البعد
بحبك وبسرعةعملت ساتر وفتحت السد
والاحزان نويت خلاص فيها اهد
احنا مشاعرنا بترقص ولا بتهز الارض






حبيتى وحشتينى مبسوط اننا هنكمل حلمنا
والحاسدين دول راحت عليهم ومبقاش يهمنا
الحلم اتولد هيكون احلى حلم لما نبقى لوحدنا
الخير بقى مع الامل بيكبروا مع حبنا
بحبك وهفضل احبك كلمة سمعها قلبنا








بقلمى
احمد جمال

بشكرك

قلبى متحكم فيا بس انا هموته
مش عايزه ياريت حد يسكته
بلاش اتكلم بتوجع من طعنته
كنت زمان بتشاق ليه ولهفته
هبعد عنه يستاهل ديه غلطته
كنت بحكى لكل الناس عن رقته
دلوقتى لو شفته بمشى بعيد
ولا بقرب من طريقه او من ناحتيه
كان يسيبنى وبقلبى برجع ليه
مقدرش اتحمل انا دموع عنيه
يقولى سامحينى وانا اقول ايه
بحبه وقلبى كان لسه شاريه
ضيعنى بعد ماكنت فى ايديه
بدور جمبى وادور مش بلاقيه
الحب بس مش مجرد كلمتين
بحبك ومتشاق لا اكتر شويتين
الحب ده حاجة بتقعد لسنين
فيه الحزن وفيه بنحتاج الحنين
بعد مارجعت ليك وفرحت بيا
جاية دلوقت تجيب اللوم عليا
اقولها ماللك تقول بتتحكم فيا
خايف عليكى شوفى عنيا
حرام عليكى انتى كل ماليا
تيجى بسهولة تعملى كده فيا
خسارة طلعت غدارة الدنيا ديه
استاهل انى سمعت كلامك
حبيتك قولتى ده فى اوهامك
قلبى نادنى ده باعك وخانك
سيبه محدش هيريحه مكانك
انت خبيته وهو اللى سابك
قالى روح امشى للناس اصحابك
ياريت يرجع من تانى الزمان
يرجع على اللى باع واللى خان
خلاص قلبى راح منه الامان
هسكن فى دنيا ماليها الاحزان
هنسى اللى جمعنا هنسى المكان
هرمى قلبى فى بحر كله حيتان
خسارة اسيبه فى دنيا ملهاش امان
وانتى روحى خلاص مع السلامة
راح الفرح من قلبى راحت الابتسامة
وحبك اللى كان سايب فيا علامة
دلوقتى مات وسابللك كام رسالة
انا ميت دلوقتى متساليش عنى
خلاص بعتى ياللى حتة منى
والايام اللى جاية مش هتتهنى
هتحسى بالذنب ياريت فهمتى
ربنا يسامحك مش عايزك سمعتى
مهما عملتى او عليا حلفتى
بشكرك انك كنتى معايا وضيفتى
ورضيتى تسمعى كلامى وشرفتى














بقلمى
احمد جمال
3/3/2012

الجمعة، 2 مارس 2012

قلبى وجعنى

تعبت قلبى وجعنى وعقلى مش مرتاح
خايف يبعدونى عنه ويتقال كله خلاص راح
انا معملتش حاجة ولو عملت بطلب السماح
مش هقدر ابعد عنها ديه روحى بلاش جراح






مشكلتى انى حبيتها وللاسف مش بايدى
عارف ممكن تقولوا يمكن ماتكونش نصيبى
بس ليه بيعدونى عنها وبيزيدوا نار لهيبى
بيحرموا عليا ابقى معاها وتقولى حبيبى





عايز اعرف هما ليه رافضينى قبل مايعرفونى
حاسس انى هتشل وبدات مرحلة جنونى
يا ناس يا بنى ادمين حبها فيا افهمونى
طيب اسالوا عنى انا مش وحش كلمونى
تصدقوا بجد انا مش طايقكم بجد خنقتونى





حبيتها حب مقدرش اوصفه ولا فيه بعده
هتقتلونى ولا يهمنى مانا مليش حد بعده
لو بتحبونى صحيح خلونى اعيش جمبه
الحياة بترجع ليا لو فضلت انا لسه مقربله






بتظلمونى ليه  ولا ماهيا مش فارقة معاكوا
بتبعدوها عنى بتحبوا ليه تمشوها على هواكو
المهم تسمع كل الكلام من غير كلام الاهم رضاكو
لكن سعادتها وانها تعيش مبسوطة ولا هماكوا






حبيبتى خايف من اهللك لو بعدتى انا هموت
مش عارف اتكلم ولا بيخرج منى خلاص صوت
حبنا زعلان وبيبكى لانه خيم عليه السكوت
قلبى فى لحظاته الاخيرة لحظات ويموت






مهما حصل ومهما كان حبيتك من زمان
حبيتك وهفضل احبك لاخر عمرى كمان
حبيبتى خايف مرعوب انا نسيت الامان
تهت فى عالم فيه الكل بيبكى مليان
بناس مظلومة زينا بس كسرتهم الاحزان







مش هعيش حبيبتى لحد تانى غيرك
بعد ماكنت عايش غرام عايش حبيبك
يحرم عليا فراقك ماتلومنيش عايزين اسيبك
قالولى ديه مش حبيبتك ولا هيا نصيبك
مش ذنبى قلبى اختارها وبقيت قتيللك




يااااااااااااااارب ريح قلبى ورجع حبيبتى ليا
انا مش قادر ابعد عنها والدمع مالى عنيا
الجرح مش عارف غير سكتى وعلم فيا
مش هعرف احب غيرها لانى بحبها هيا







بقلمى
احمد جمال
1/3/2012
للاسف اسوا ماساة فى حياتى
يارب تحققلى امنيتى