مستنينه احنا بقالنا ياما كتير
الكل واحد الصغير اكتر من الكبير
رمضان جاى رمضان شهر الخير
الله لما صوتنا بيعلى فى التكبير
فرصة جديدة جايللك والباب مفتوح
ربنا هيقبل منك الدعوة فين ماتروح
افرح من قلبك وربنا هيداوى الجروح
روحله فى بيته وعيطله عادى ومسموح
فرصة ماتتعوضش وتقدر دلوقتى تتوب
ربك كريم مش هسيبك ربك علام الغيوب
طهر نفسك يالا طهر كل الذنوب
مفيش حد فينا خالى من العيوب
الله علينا لما نبقى متجمعين فى رمضان
والمسلمين ماسكة كتابه وبتختم القران
وتكون مبسوط لما تغلب وتهزم الشيطان
شهر كريم شهر بتكتر فيه الرحمة والغفران
ياريت نفوق وبلاش نضيعه فى المسلسلات
والله ماهنيفعنا ولا ربنا هيشيله من الحسابات
الفرجة على التليفزيون وتقليب القنوات
استفيد بيه ده شهر بتزيد فيه
الحسنات
اعطف واتبرع ده فين ناس كتير محرومين
والله هما زينا وكلنا واحد كلنا بنى ادمين
دول ثوابهم بالضعف دول هما المحتاجين
الزكاة وصانا عليها ربنا ومعاه رسوله الكريم
تعالوا ننزل نصلى كل الفروض فى جماعة
ومانتاخرش على ربنا دقيقة ولا ساعة
هتحس من قلبك ساعتها بحلاوة الطاعة
ارضى ربك هيعيش قلبك على القناعة
وانت يا مسلم مخاصم اخوك وسايبه
ليه
مفيش حاجة مستاهلة صدقنى وبقوللك ايه
روح صالحه وخده فى حضنك فرصة بمليون جنيه
شوفه يمكن يكون محتاجك جمبه وطبطب عليه
يالا ندعى بصوت واحد يارب تقبل مننا رمضان
واغفر لينا ذنوبنا احنا ملناش غيرك
يا رحمان
واجمعنا من رسوللك محمد عليه الصلاة والسلام
ونكون كلنا فى الجنة اللى بشوفها فى المنام
بقلمى
احمد جمال
بمناسبة شهر رمضان
كل عام وانتم بخير
وكل سنة وانتم طيبين
اللهم بلغنا رمضان
