وانا واقف جوه الجامعة داخل كليتى وعادى
شتفها مقدرتش حتى اسلم على اصحابى
سالونى ايه واخد عقللك قولتهم واحدة جميلة
خطفت قلبى بنظرتها وعرقى غرق وشى
وايديا بقت الوان والرعشة دخلت جسمى
روحت معرفتش انام استنت اصحى عشانها
واروح لاجمل بستان اشوف رقة جمالها
وادوق طعم الحنان بصت عليها تانى
حبتها اكتر كمان رايح وفى ايدى وردة
ارويها بنهر حبك عشان انا عطشان
رفضت تاخدها منى قالت اسفة سلام
كبرت فى نظرى اكتر حسيت انا بالامان
حبيتها اكتر من الاول واضح عليها الاحترام
سابتنى واقف لوحدى افتكرت انها اوهام
سالت عليها اصحابها فين بيت اميرة الغرام
تعبت وفى الاخر عرفت واخيرا خدت العنوان
خدت بسرعة تاكسى وصلت اخيرا للمكان
قلبى خبط على بابها وانا واقف مستنى
عايز ادخل واشوفها وحشانى من زمان
سمعت صوت دقتها فتحت ليا الباب
خطتفنى تانى مرة كنت سعيد وفرحان
دخلت جوه الشقة وطاير على والدها
قولته بحب بنتك وعايز اتجوزها
روحى كانت واحدة دلوقتى اتقسمت اتنين
جزء عايش فيا والتانى فى قلب مليان حنين
نفسى توافق عليا وماتحرمنيش منها
حبها سكن فى قلبى ولا اقدر ابعد عنها
وافق عليا والدها وانا طيرت من الفرحة
دخلت الجنة معاها ومش عايز اخرج منها
بقلمى
احمد جمال
