نفسى ايديك تيجى فى ايديا
وعنيكى تبقى شايفة عنيا
ومتغبيش عنى ولو حتى شوية
عشان بتوحشينى وعيونى شاهدة عليا

ده بالنسبالى حلم وعايز احققه
بنام وبصحى ونفسى اصدقه


متزعليش منى فى يوم
جيتى عليكى او جبت اللوم
انا حتى لو كنت مظلوم
انتى برده متهونيش عليا
لانك جوايا واحلى ماليا
نورتى حياتى والدنيا ديه

شعر فكاهى/يا حجشة

حبيبتى لسانى مش عارف يتكلم ويقول
بحبك قد الجحشة لما بتحب الفول
وحبك غسل قلبى كانه صابون ديتول
انا لما احب افتكرك اروح ازور ابو الهول
وجالى جنان من عبطك وبقيت مهبول
الناس بتنصح فيا وانا مش شايف غير حوافرك دول



قربى منى لاحسن بالبلطة وهعورك
وباحلى جزمة عندى وهضربك
وبسيخ سخن وفى احلى حتة وهلسعك
تمشى معايا كويس قدام الناس وهقدرك
هتبعدى عنى تبقى جنيتى عليكى وهشحورك



حبيبتى حسيت  انك اهبل مافى الكون
وانا شكلى اتجننت وشربت منك الجنون
الله يرحم ايام لما كنتى لوحدى عايش  فى سكون
دلوقتى العفاريت ركبتنى وبقيت مسكون


بس اكيد بعد كل ده عرفتى قد ايه حبى
عرفتى اللى كنت شايله جوه قلبى
واتاكدتى ان فى صراحتى مش بخبى
وانك اغلى حاجة فى الدنيا عندى

بحبك يا جحشة

بقلمى
للهزار والفرفشة
احمد جمال

ههههههههههههههههههههههههههههههه

يارب تعجبكم

شعر/خايف

خايف من بكره هشوفه ولا مش هعيش
عمرى انتهى كده عملت لاخرتك ماتقوليش
انك ماعلمتش اى حاجة متخوفنيش
ربنا شايف عمللك قدمته صح ولا مقدمتهوش
خاف احنا هنام بس نوم طويل
نوم  فى مكان ملهوش بديل

بعد ماصحيت رايحين على طريق ملهوش اتنين
ياما بعمللك تعديه ياما هو هيرميك
فى نار هتمسك فى كل اللى حواليك
الحق نفسك اليوم ده ليك
وبكره هيبقى عليك
خاف انا من خوفى مش عارف انام
والاخرة عندى بتيجى فى المنام
صحيت وقولت هعيد من تانى حساباتى
هراجع كل اللى انا عملته فى حياتى
والحياة كانت من اولها لاخرها امتحان
والاخرة فيها اعمالى هتبقى بالميزان
يارب سامحنى انا مليش غيرك يا رحمن
مش عارف انا عايش دلوقتى ولا فى المكان
نايم خايف مرعوب من يوم الحساب
وفيه ربنا هيشوف الكتاب
انا كويس عديت وبقيت مع الاحباب
ولا ووحش واترميت انا فى العذاب
سامحنى يارب
سامحنى




بقلمى
احمد جمال

اسرائيلى عميل داخل جوه ارضى
فاكرنى عبيط هسيبه يعدى
ولا اسلم عليه واقوله يا صاحبى
او اخده فى حضنى واضمه لصدرى

ارجع يا جبان
بلدك عمرها ماهتبقى زى بلدى
وانا وخدها وياك تحدى


علم مصر مرفوع على راسى
بحبك يا مصر يا اهلى وناسى
محدش يقدر يلمسك ده يوم موته
وهنكون احنا جنودك ومش هنسمع صوته
فى الارض هنحفر وندفنه جوه تابوته












الله اكبر وربنا حاميكى
بشعبك الجميل عايش ماليكى
مافيش حد قال مرة كلمة عليكى
كلنا عاشقين ترابك بجد
مفيش حاجة هتفرقنا لو طال البعد
هنرجع هنرجع وصوتنا عالى
رحنا فى غربة ولا خدنا الوقت
بنتشاق ليكى يا ساكنة القلب
اموت اموت وابقى شهيدك
فداكى دمى وروحى وايدى
فداكى نبضى جوه وريدى
فداكى فداكى بحبك يا بلدى


بقلمى
بحب بلدى مصر 

شعر/كنا زمان

كنا بنقول زمان ان الخيانة كانت فى الحب دلوقتى الزمن اتغير
وحياتنا دخلها الكدب والصاحب بقى بيشيل جوه قلبه الغدر
 ده بيعوزك علشان حاجة والتانى يمشى معاك بسذاجة
وقال انا عبيط وهو اللى فاهم مع انه غبى اوى وديه حاجة مش محتاجة
مكنتش اعرف كده بس من نص الحكاية وانا عرفته
خدت بالى من مواقفه مبقتش امانله زى ماول مرة شوفته
والحمد لله ربنا كان معايا واصحابى اللى بجد كشفته
بس ياريت يستنى لسه اللعبة مخلصتش
وانا ادينى هبدا واقلب وشى
بس يا صاحبى السابق متفرحش
انا اتعلمت الغدر منك
واللى بيجى على صاحبه الطيب مابيكسبش
استنى عليا لما اطعنك فى ظهرك
وفى الاخر هتجيلى وهتقولى معلش
بس ساعتها مش هرحمك
خليك فاكر ومتزعلش

بقلمى
ضد غدر الاصدقاء
احمد

شعر/سيجار

شئ اسمه سيجار
يتناوله اصحابى ليل ونهار
حاولت انصحهم لحد ماعقلى طار
لكن لا يوجد حل
لحد ماوصلنى القرار
انى اذا رايت احد فيهم يدخن
اطير وياه بمسدس واطلق عليه النار
ولكن بالفعل جعلتهم يبطلون السيجار
فرحت لكن فرحتى لم تكمل
واتجهوا الى شئ اخر اسمه شيشة
شيشة يا معلم وحط عليه التحبيشة
تفاح وموز وكوكتيل وتوجد عند عم شيحة
وكانوا عددهم ثلاثة عن شربهم السيجار
لكن اصبحوا اربعة عندما اصحبت منهم
وياليتنى ماتخذت القرار
وتركتهم يكملون لوحدهم المشوار


بقلمى
احمد
ضد التدخين

شعر/ارجعلى حبيبى

كل مكان بشوفك فيه  بلاقى صورتك قدامى مش عايز تبعدى عنى ليه

بحاول انساك وارجع القيك جيت على بالى وبتفكرنى باحلى ليالى ليه


لقيت روحى متعلقة فيك والدنيا من غيرك ماتساوش ارجعلى حبيبى

مانت ماتهونش عليكى روحى خلينى وياك وارجعلى حبيبى


                      وادينى جاى اصالحك واقف تحت بيتك اهو


تعالى شوف عنيا ودمعى فيها قدا ايه

بقوللك سامحنى وعيش ويايا وانا تحت امر قلبك من ايديك ديه لايديك ديه


                   هكون معاك ونعيش سوا ونحقق حلمنا


                  وحزنى باديك هيخفتى لما نرجع لبعضنا



                    والكون هيتغير ويبقلنا احنا لوحدنا



                 احضنك وتحضنى ونعيش بقى لفرحنا


                         ارجعلى حبيبى


           بقلمى
الشاعر احمد جمال

شعر/رمضان بعد غياب

اهو رمضان جيه تانى بعد غياب
هيجى عند كل واحد ويخبط على الباب
افتحله بسرعة علشان ده اعز الاحباب
بنتسناه كل سنةوالواحد من غيره جاله اكتئاب
يتلموا الاهل ويا الجيران
والكل بيصبح فرحان
والعيال ماسكين الفوانيس
عم سيد بتاع زمان
ووكلنا نطير على الصلاة
لما نسمع الادان
وحشتنى يا رمضان
وحشنى احساسى بالصوم وانا جعان
ولما ابقى عطشان
حسيت انا بنعمت ربى
معتدتش هرفض حاجة واقول مش عايز
بقيت باللى مقسوملى راضى بيه
عمرى فى يوم ماهتكبر وهقول ده ايه
الحمد لله ليك يارب على النعمة ديه
ذنوبى كترت اوى على كتفى
مستنى رمضان يمكن ربى
يشيلها عنى ده كل اللى بتمناه
رايحله بيته وقلبى على سجادة صلاة
بعيط وبدعى للى جمبى
وبقول تقبل ياربى دعايا ودعاه




بقلمى

شعر/جوزونى

جوزونى
البنت ديه
وانا راح اشيلها فى عيونى
هقفل عليها كل جفونى
ولما بشوفها بنسى همومى
ورقصونى
ويا اللى حلمت انا بيها
واللى دلوقتى ماسكة ايديها
وديه بتتعب قلبى بغمزة عنيها
هيصولى
يا اصحابى ويا حبايبى
انا فرحان ومش بخبى
ده حبيبتى اللى غالية عندى
لو الحب صعب طريقه
هدخده انا بكل تحدى
ودوعونى
مروحين على اجمل مكان
بيتنا اللى هيبقى ملينا حنان
وفضل هحب لحد مايجيلى جنان
ديه حياتى وكل قلبى

شعر/انا مش بحبك

انا مش بحبك ولا دايب جوه حبك انا كشفتك خلاص
والدنيا معاكى نسيت فيها كل الاحساس
ولا شايف فيكى انا كل الناس
اتغيرتى بقيتى حد انا معرفهوش
وكانى لاول مرة شفته او مشفتهوش
بس الاكيد انى بقيت بوجوده مابحسهوش
واوعى تفتكرى انى عليكى انا باقى
انتى يا حبيبتى اللى بيعتى وانا غيرك هلاقى
وهتنسى كل اشواقى وايامى
وهتعيشى لوحدك من تانى
بس مش هتعرفى على جرحى تنامى
ضميرك هيفوقك وينسيكى كل الليالى
صورتك اللى شايلها فى قلبى هقطعها
او بنار الفراق اللى حرقتينى بيها هحرقها
ولحظات اللى عشناها سوا من حياتك هسرقها
سيبك بقى من الاوهام
انا بطلت اعيش الاحلام
انتى حكاية انتهت زى الكلام
زى الكلام اللى بيخلص من غير الحان


بقلمى

شعر /لسه بشوفك

انا لسه بشوفك فى احلامى

بعدت عنى لكن جوه كيانى

والاحساس بعد ما مشى جانى

قالى هتسنى حبيبك الاولنى

قولتله فرط فيا وباعنى

وانا بعت الدنيا عشانه

ليه من الاول بيخدعنى

ده انا كنت بتمنى الموت مكانه

ادعيله فى سرى ياربى

يفضل ويايا واعيش حنانه

بس خسارة جيه قالى ده فى حد مكانك

استغربت على اللى حبيته ليالى

بقى ده اللى اقديه بعمرى

خسارة خسارة يا قلبى

على اللى ضيعته من وقتى معاه

ده انسان مش عايش فى الحياة

كل احساسه ضاع وانتهى

وانا اللى قلبى طيب وصدق

ان فى يوم ممكن الحلم يتحقق

بس انا كسبت وهو خسر

انا عليت وهو فى نظرى صغر

انا عليت وهو فى نظرى صغر




























بقلمى
احمد جمال

شعر/يهمك ولامايهمكيش

يهمك ولا مايهمكيش هتعوزى منى ايه
قلبى خلاص واديكى دوست برجللك عليه
قتلتى كل احساس كان حلو فيه
والحب عملتى منه سلاح فتاك ودبحتينى بيه
لو فى حد اشهده كنت شهدت الليالى
ايامك الحلوة وصورتك اللى مكانتش بتغيبى عن بالى
والقمر اللى كان عندنا كل شئ غااااااااالى
ودموعى اللى كانت بتنزل لما تضيعى من خيالى
بس خلاص انا فقت من وهمى وهبص قدامى
سكوتك مريحنيش لما اساللك تجاوبينى
انا حبيتك وشيلتك فى قلبى
جيتى عليا وجرحتينى
طب لو حكمت عليكى بحكم
تنفيذيه ولا
تمشى وتسبينى
انا نفسى احرمك من قلبك
بس ياريت تفهمينى
انى معنديش دلوقتى قلب
والبعد عنك ده حلمى ومنى عينى






بقلمى
احمد جمال