الواحد لسه عايش من غير امل
مش عارف يعمل ايه مفيش عمل
واللى وصلنا ليه حاجة تشبه الملل
قربت توصل لينا ونصاب بالشلل
كل حاجة بقيت تشبه بعضها
اليوم بيعدى زى السنة اللى قبلها
اقول ياعم غير جوا تعالى نفكها
القى نفسى بزعل مش لاقى حلها
بتعدى الايام وزهقت انا من التكرار
خلاص تعبت بجد مش قادر اكمل المشوار
راح منى بعد مكان مالينى الاصرار
والفرح ساب قلبى لوحده وطار
مليش نفس لاى حاجة بقيت محتار
عارف انى بكلامى ده بحبط فيكم
بس والله غصب عنى الكلام ليكم
انا مليت العيشة ومن اللى حواليكم
عايز اهرب بعيد بس اعرف القيكم
علشان انا تهت منكم ومش لاقيكم
عايز بجد ونفسى احلم من تانى
عشان بقيت بتمنى اشوف الامانى
واللى فى عقلى وبالى حاسه جانى
انى هعيش واكيد هنسى احزانى
يارب ساعدنى فى اللى انا فيه
رضاك عليا بجد انا محتاج ليه
يارب نورلى طريقى ودلنى عليه
عشان انا مش شايف ومش لاقيه
انت اللى بتهون وتشيل عننا
يارب نفسى تحببنا فى بعضنا
علشان خاطرى وخاطرنا كلنا
محتاجين نستخبى فى ضلنا
يارب عايزين تحقق حلمنا
بقلمى
احمد جمال
