السبت، 30 يونيو 2012

الدنيا


الدنيا شغلتنا بالهموم ونسينا ربنا
وصلاتنا مبقاش حاسس بيها قلبنا
عايزين نرتاح ويكون ربنا راضى عننا
اسفين يارب احنا اتمادينا فى ذنبنا



احوالنا بتتغير ونسينا طريق الاخرة
مع اننا ماشين والدنيا مش مستاهلة
وذنوبنا والله كتير وديه حاجة مش سهلة
سبنا كتابك وكل الامم بقيت جاهلة




نفسى اعرف انت ليه واقف مابتصليش
وانت فلوسك كتير طيب ليه مابتذكيش
ااخدت انت ياما ليه بقى مبتديش
وانتى ليه لا بتحجى وقرايبك مبتزوريش




وانت ماللك بتتكبر كده على الناس ليه
وسيادتك بتكدب وتنافق علشان ايه
وانت بتتريق على واحد مفقوعة عنيه
احمد ربنا وافتكر نعمته عليك واللى انت فيه




مقصرين دايما معاك ويارب علطول بتدينا
زرقنا بايديك من غيرك يارب بيخاف علينا
رحمتك كبيرة بس الظاهر احنا اللى نسينا
والدنيا خدتنا لبعيد وللناس خلاص اتذلينا



لو مشيت فى طريقك ده هتوصل للنهاية
مع انك لسه ملقتش لغاية دلوقت البداية
بلاش اعذار مع ربنا ارجوك بلاش كفاية
قوم يالا عاهد نفسك وغير كل الحكاية



مش مهم احنا فين المهم نبدا التغيير
وبلاش الشر ويالا كلنا نحوله للخير
والصغير يسمع ويحترم كلام الكبير
قليل على ربنا اوى والله مش كتير




اهزم الشيطان علشان ده واحد جبان
هو بيخدعك وبيحلل فى عينك الحرام
كداب منافق غشاش صفاته فيه من زمان
حتى بيحاول يغلبك ومش سايبك فى المنام




قلبى مرعوب ومش حاسس بيه من الخوف
لسانك مش حاسس بيه ولا بينطق الحروف
انت كده بتحبه ادعيله يالا بلاش كسوف
كفاية عمرك اللى فات وانسى خلاص الظروف




بقلمى
احمد جمال
1/7/2012
يارب فعلا تحس باللى كتبته
من قلبى وربنا يسامحنا
على الغلط اللى بنعمله
ويغفر لينا كل الذنوب

الجمعة، 29 يونيو 2012

ياريت تحكم


ياريت تحكم بالعدل يامرسى
وميجيش يوم ويغرك الكرسى
ولو ظلمت حد انا مضطر امشى
وانا عارف ان الدنيا مبتدومشى



اليوم دلوقتى ليك بكره يبقى عليك
ومفيش حاجة ساعتها هتحميك
افتكر قدرة ربنا وانه دايما عالم بيك
وكمان اللى حصل للرئيس اللى قبليك




انا بس بفكرك ومش بعيب والله فيك
كلنا بنتمنى انك تحكمها ربنا يقويك
وكلامى كلنا جايين نقوله عشان نوعيك
عارفيين ان ديه حاجة صعبة ومسؤلية عليك
احنا معاك دايما هنقول ربنا يعينك ربنا يحميك





وعدتنا بحاجات وقولت انها هتبقى كل الخير
يارب توفى بوعودك وتساعدنا على التغيير
نحول مصر جنة وديه حاجات صغيرة مش كتير
مصر ديه ام الدنيا مليانة ولسه جواها الخير




ربنا نصرنا وعرفنا نخلع رئيسنا القديم
استغفر الله العظيم كان نظامه عقيم
مكانش بيعمل حاجة ومبوظ كمان التعليم
حاطط ايده فى جيوبنا كان شيطان رجيم






ياريت يا مرسى تتعلم من اخطاء السابقين
وتلغى الكوسة والمحسوبية وهنكون متقدمين
وربنا يرضى عنك وناسك واهللك يبقوا مرتحين
رئيسنا الحالى راجل بيخاف ربنا ماشى سليم





ساعتها حبنا ليك هيكبر وجوه قلوبنا يدوم
محدش يقدر يقوللك يالا امشى ولا قوم
براحتك ياعم هنفكر فيك ويروح عادى النوم
علشان خاطر عيونك بس انت التزم بالقانون





مادام هتحكم بلدى مصر  والحكم بكتاب الله
ربنا هيستجيب  لكل دعوة تقولها فى سماه
واحنا ندعى كمان معاك ونقول يارب احنا معاه
كلنا يارب هدفنا رضاك علينا احنا جنود الله







بقلمى
احمد جمال

الخميس، 28 يونيو 2012

اصبحت خريجا


اصحبت  خريجا وزادت المسؤلية
والصراحة بصوا مش ناقصة العملية
ودماغى بتفكر ولو هجرة غير شرعية
مفيش شغل والحكاية ده منتهية


ولما ابقى عاوز اسافر يقولوا فين هتروح
خليك فى بلدك اولى وخلى فيه طموح
ولو سبت بلدى هحس بالوحدة والجروح
ولو فيه بقى كوسة يبقى كل شئ مسموح




مهيا دلوقتى الكوسة بقيت هدفنا الاساسى
وهتلاقى الوظيفة وتقعدك على الكراسى
طيب وايامى اللى فاتيت وانا منها بقاسى
ولما بنجح فرحتى بتسعد كل ناسى



ويقولى بلدك ديه مش بتعات شهادات
لو عايز تشتغل ان شاء الله مندوب مبيعات
ومذاكرة اربع سنين ديه مش كفاية ولا اثبات
والشغل موجود يالا وحاول تنسى اللى فات



يقولى ياحبيبى الكلام ده مش هياكللك عيش
شهادة مين؟ ده الشغل اللى موجود ياما مفيش
احمد ربنا على انك لقيت شغلة بكر متلاقيش
انا بقول الحمد لله علطول بس ده ميناسبنيش




ليه يا بلدى مليش حق فيكى وراح الخير
راح مع كل حلم واللى كان بيلازمه الضمير
واحنا مش ناويين نتغير ونبدا يالا بالتتغير
ولا الكوسة هتخلى ابن الباشا هو الكبير



حسيت بالاحباط ومفيش امل من اى اتجاه
حلمى اللى كنت بحلمه اتحول فجاة لمعاناة
وكان الحياة قبل ماتبدا وصلت لطريق المنتهى
والمستقبل اللى كنت بحلم بيه خلاص لازم انساه


لكن مهما هيحصلى برده عندى امل فى الله
ربنا مبيضيعش مجهود حد تعب وعلى تعبه اده
ومادام نور الشمس بيطلع حلمه هيتولد معاه
مهما عمرى طال لازم ابقى مؤمن وحلمى هستناه



بقلمى
احمد جمال