الجمعة، 2 نوفمبر 2012

ماللك عاملة فى نفسك كده ليه

ماللك عامله فى نفسك كده ليه
لابسة بدى محزق والبنطلون عليه
نفسى اعرف هتستفيدى من ده ايه
موضة ولا علشان شاب عايزة تعجبيه
اقوللك حاجة كدة انتى مش هتكسبيه
لا بالعكس انتى عنده متسويش 3 جنيه
ولما يفكر يرتبط هياخد حد ملمسش ايديه
فين التربية راحت ولا فين راح الاحترام
فين لما كنتى بتكسفى لما حد يبصللك زمان
عينك فى عينه وبقيتى بجحة كمان
الله يخربيت النت والمسلسلات والافلام
غيرت تفكيرك وشالت منه كل الاحترام
وهو لو حد فكر يقرب لاخته يبقى ياويله
يخلي ليلته طين ونهاره يبقى زى ليله
ويبقى مستنى الفرصة ويدعى انها تجيله
علشان يسييبك ويروح لحد شاغل قلبه وتفكيره
لبسك على الموضة مش هيجيب ليكى العرسان
والكلام اللى بيحصل دلوقتى مكانش زمان
انتى لازم تكونى غالية ومش بالنسباله سهلة
وفى حياتك طريق واحد تميشه ومش متساهلة
حتى لو قاللك عليكى انت دماغك ليه قافلة
خافى الواحد ممكن فى ثوانى يموت وفى غفلة
وقبل لبسك لازم فكرك تحاولى وبسرعه تغيريه
وتقصيرك مع ربنا تحاولى من تانى تعالجيه
الموضة مش طريق تصطادى العرسان بيه
واخلاقك وادبك وتربيتك كل ده هو اللى يخليه
يجى بسرعة يطلبك ولو حتى مهرك غالى عليه
وتكونى احلى بنت واحلى واحدة تبقى فى عنيه
لما تكونى فى بيتك مع جوزك اعملى اللى تعمليه
حوطى ميكب ولا برفان ولا حتى بالطوب حدفيه
المهم اعملى الصح ووالطريق الصح بسهولة تلاقيه
مرسلة بواسطة في