امى بحبك

ياامى حبيبتى قالولى عليكى ياما كلام
شيلها فى عيونك وحافظ عليها تمام
ديه دنيتك وحبيبتك منها تتعلم كل الغرام
فى هواكى دايب يوم ماتولدت دايب من زمان
امى اسمحيلى انحنيللك ده حاجة قليلة
وابوس رجليك شئ بسيط  يعبر عن الحنان
اللى جوايا ليكى اكبر كتير من كل الكلام
لو حبيت مش هحب الا واحدة تبقى زيك
تكون فى حنيتك فى كل حاجة وشبهك
وتاخد الرومانسية كلها من جوا قلبك
تدوب معايا زى مانا دايب ياامى فى حبك
مشاعرى كلها بتترجم لكلمة واحدة بحبك




بقلمى

هما انتوا

احساسى كل يوم يتغير
حوالين ناس كنت اعرفهم
مبحبش انى حد يكدب عليا
راسمين البراءة فى وشوشهم
مش عاملين حساب للعشرة
والخيبة باينة من كسوفهم

هما انتوا الناس اللى صدقتهم
هما انتو الناس اللى اعرفهم
ياخسارة قلبى فى يوم صدقكم
وانا دلوقتى زعلان على اللى عدى
مش عايز تانى حتى اشوفكم
روحوا بعيد وسيبونى فى حالى
علشان انا طيب مبقتش طايقكم
وبتمنى اليوم اللى انا عرفتكم فيه
يتنسى وتحاولوا تطهروا قلوبكم
كفاية الحقد والغل اللى جوا نفوسكم
انا فعلا من جوايا مبقتش طايقكم
هما انتوا الناس اللى صدقتهم
هما انتوا الناس اللى اعرفهم

بقلمى

منوعات

خليها على الله
وبلاش تشغل البال
كل هيتظبط متخافش
ويبقى عال العال
مفيش حاجة بتفضل

مدفونة فى الخيال
طول ماعندك امل
فيه هتبقى حقيقة
وتكون حياتك احلى
باذنه هتبقى
ان شاء الله
اخر جمـــــــــــال

بقلمى

نفسى انسى كل تعبى واحزانى
نفسى اعيش حياة جديدة من تانى
وامسح كل لحظة عديت عليا وجعانى
واغير كل الواقع واغير حتى مكانى
ياحزن ابعد بعيد والفرحة تعالى تانى

بقلمى

اتغيرت كل الناس
اتغيرت كل الوشوش
فيه ناس بتخدع
وناس مابيختشوش
الحب اللى جوه قلبوهم
ليك فشوش
معندهمش دم
ودايما مابيتكسفوش

بقلمى

 

 

 https://www.facebook.com/ahmedgamal.khashaba.9

حاول تقتله

لو الطريق وقف قدامك بسرعة كمله
متخليش شوية احباط يخليك تهمله
اليائس من جواك ابعده حاول تقتله


مفيش حد ممكن ينجح من اول مرة

تقع وتقوم تانى ولازم مرة فى مرة
تحاول كل محاولة وتعيد من تانى الكرة



عملت من صبرى حبل وجريت وياه الامل
كنت فاكر ان الحكاية صعبة وكل شئ محتمل
بس افتكرت ان النجاح موجود مادام فيه عمل



مادام شايف نفسك لسه حى وفيه حياة
يبقى متخافش علشان لو قلت بس ياالله
كل حاجة هتبقى احلى ومش هتعرف معاناة




بقلمى

من ورايا وعليا

فين دلوقت الصاحب اللى ف زمانا يصونك
اول ماتمشى من مكانك بسرعة يخونك
انت بتتغير ليه زى الحية وده مش لونك
شايف انا الكدب باين وظاهر فى عيونك


يوم بتبقى معايا ومن واريا بتكون عليا
طيب خليك جرئ وقول الكلام قصاد عنيا
ولا انت جبان ومش قادر فى اللحظة ديه
فين اخلاقك فين راحت منك ليه التربية



فين ايام الطفولة لما كانت لسه البراءة
مولدة فيك خلتنى اشوفك وبدات صداقة
ليه اتحولت لخداع وكدب جابت خناقة
انت فاكر ان ديه نصاحة ولا ديه حداقة




الدنيا غيرتك وخليتك ليه بقيت بوشين
نص فيه باين الكدب ونص حبة حنين
لازم تبقى انسان واحد مش شخصين
بتقول انك بتعزنى ووده فخ وناصب كمين




احب اقوللك انى كشفت وشك خلاص
بقيت ورقة محروقة ليا وقدام كل الناس
ياريت تحس ويكون لسه عندك احساس
ده لو انت بتحس وبتفهم من الاساس



انا مش بكرهك بس بخدك منك حذرى
دلوقتى انا مش ببقى ضامنك فى ضهرى
وعامل حسابى منك وكانك ليا قدرى
فخلى باللك انا مبقتش زى زمان فى صغرى





بقلمى
الان كتبتها
يارب تعجبكم

بلا حب بلا نيلة

بلا حب بلا نيلة
انت هتوجع قلبك
سنين طويلة
شوية متشاق
وشوية فى حيرة
تبقى انت مضايق
لما تسمع السيرة
وحبك مش هيكمل
عارف ليه
علشان ده حب عيرة
عايز تحب حب امك
حب اخواتك حب ابوك
دول عمرهم ماهيجرحوك
عارف ليه لانهم مش
هما بقى اللى اختاروك
انت اتفرضت عليهم
ولا فى يوم هيبيعوك
حب اتولد فيه كل المعانى
قلبك عمره فى حبهم ماهيعانى
هتبقى بيهم انسان تانى
مفيش احلى من السنجلة
لحد مايجى نصيبك
عايش حياتك بالقلم والمسطرة
لا فى يوم قلبك هيوقف
ولا هيبقى عايز فى يوم سمكرة
زرقك ربنا شايله وهيا مكتوباللك
من سنين كتيرة وربنا شايلهاللك
علشان تبقى حبيبتك تبقى حلاللك
بلاش حب من ورا البيبان
ياريت ساعتها تفتكر الكلام
ان حبك مش هيكمل
علشان مفيش احترام
ولا بترضى ربنا لا مكمل فى الحرام
عايزها يبقى تجيبها بالحلال
ساعتها تبقى حبيتك وام العيال
ومحدش يقول عليك كلام بطال
وربنا يرزقك مادام مش ماشى شمال
ياريت كلامى يكون اثر فيك
ونويت تكمل يابنى ادم بالحلال






بقلمى
احمد جمال
ويارب تعجبكم

الظروف هيا

كل يوم زى اللى قبله مفيش جديد
والملل عندى عمال كل شوية يزيد
مش عارف انا حزين ولا سعيد
روتين يومى خلى فى حياتى تعقيد



اللى اتعمل النهاردة هتيعمل بكرة
طيب فين الايام الحلوة فين الذكرى
فين لما كنت بحاول اعمل فكرة
ويجينى الشوق علشان استنى لبكرة


ده حالى وحال ناس غيرى كتير
ناس بتحلم فى حياتها بشئ من التغير
الروتين حول حياتهم لشئ مهجول المصير
فين لما كنت لسه صغير ومش كبير



يمكن الظروف هيا السبب واللى غيرتنى
ولا ده حاجة فيا انا ولا عين حد صابتنى
فين ايام لما السعادة كانت بتلازمينى
تلاقيها خلاص ايام الفرح بعدت ونسيتنى



محتار عايز احول طاقتى لشئ جبار
زهقت خلاص ومش عايز ابقى محتار
ويكون سهل عليا وتيجلى الفرصة اختار
زى مافيه ناس داخلة الجنة ناس هتدخل نار




يمكن الفراغ هو اللى عمل فيا انا كده
ولا انا اللى سبت نفسى للفراغ بالشكل ده
قوليلى يا نفسى انتى اجدر منى انتى متاكدة
بس لازم احاول القى حل للروتين وكل ده




الخنقة والملل والحزن بقيت جزء من حياتنا
ونفضل قاعدين نترحم على الايام واللى فاتنا
ياسلام لو كل حاجة بتضايق هربت وسابتنا
والامل هو اللى يبقى معانا ويبنى فى ذاتنا



الحياة تتغير وتبقى بمبى  ليها لون تانى
واطير من الفرحة وتبقى مش سيعانى
هل ممكن ده يبقى حلم ولا يبقى فى امكانى
لما الروتين يبعد عن حياتى يبعد وينسانى



مش هيائس واكيد هيبقى لسه فيه امل
مهو لازم يبقى عندك ارداة وفيه عمل
عارف ان فيه حاجات صعبة ولا تحتمل
بس لازم نعمل حاجة ونكسر كل قيود الملل





بقلمى
احمد جمال
يارب تعجبكم
ان شاء الله





https://www.facebook.com/ahmedgamal.khashaba.9