يارب

محتار ومخنوق وساعات مضايق
فرحان شوية وساعات بكون رايق
وساعات مش بكون لاى حد فايق
هو ده بيكون انا وبيكون حالى


وساعات الياس بيكون هو طريقى
ماسك فيا ويقولى تعالى يا صديقى
انا مش خيال لا انا واقع وحقيقى
اقوله ماتسيبنى ماللك بيا ومالى


ومرة واحدة الامل فى ثانية يجينى
والفرحة جوايا بتتنط وماليا عنيى
انا جايللك علشان تحلى كل سنينى
اقولها تعالى ياحياة انتى على بالى



ويعدى عليا كل ده ويمر احلى وقت
والقى نفسى رجعت تانى اتخنقت
من بعد ياس وامل اتولد انا اتحطمت
لكن بقول مفيش حاجة تمنع خيالى



بحاول اقنع نفسى انها دنيا مش جنة
ومش هيا ديه كل شئ فيها اتمنى
الحياة مرحلة مرحلة وكمان سنة سنة
ومادام لسه فوق نجم فى السما عالى


وكل ماحس بالخنقة والحزن هقول يارب
هلاقى الحياة بتحلو وهيتفك كمان الكرب
هدعيله فى كل صلاة وهفضل اقول يارب
وكل حاجة هتحلو وتتحقق كل امالى



ان شاء الله
يارب



بقلمى
كاتبها
لسه النهاردة
بدات فيها 6 صباحا
وخلصتها
8 صباحا


يارب تعجبكم ان شاء الله
وادعولى بالشفا

سياسى من زمان

كله بيتكلم فى السياسة
وكانه سياسى من زمان
فين لما مبارك كان حاكمنا
والكلام يتقال من ورا البيبان
كرهونى فى بلد انا حاببها

عمال على بطال فى الميدان
ناس تهتف يسقط يسقط
والاعلام يسخن ويقول كمان
الناس تضرب فى بعض وتقتل
وناس تحرق فى مقرات الاخوان
غابت عقولنا تاهت ورا اى كلام
فين لما مصر كانت بلد الامان
بقينا بنخاف من بعض جوه البلد
مبقاش فيه بيت حاسس بالسلام
يابلدنا فوقى عايزين نرجع زى زمان
فوقى يابلدنا عايزين نرجع زى زمان



بقلم
قلب محروق على بلده

ahmed gamal khashaba