اسف جدا على اللى حصل واللى كان
اسف جدا مقدرتش احميكى من غدر الزمان
انا كنت معاكى فى ضللك انا لسه انسان
الحب جميل جدا بس بينا للاسف ملهوش مكان
والاشواق اكيد هتبقى ذكرى وهتروح فى طى النسيان
اسف جدا كان نفسى وحلمى معاكى اكمل
مستعد عشانك اكسر واهد واضرب مهما يحصل
الخيانة عمرها ماكنت فيا لا انا واد متربى ومتاصل
حاولت اعدى الخوف عشانك وقولت اكيد هوصل
يمكن ميكونش حبيبتى نصيبنا فى بعض
بس حاولت على قد ماقدر لو اهد الارض
لكن قلبى مصدقش انه حلم وخلاص البعد
طريقنا مبقاش سهل لا ده اتحول صعب
اسف على سنين فاتيت وراحت من عمرنا
وقفت كل حاجة وقفت الحياة ووقف فيها حلمنا
اتارى الحب ده حب كبير بس اكبر من سننا
القضية كانت اننا متحملناش حبيبتى بعضينا
حبيتك بجد قلبى بيبكى على حاجات ضاعت مننا
مبقتش بحلم واتارى الحلم معايا بقى كااااابوس
الناس مش بترحم يا حبيبتى بقيت عليه بتدوس
الحياة علمتنى كتير وبقيت شاطر بدى دروس
لو ينفع انا اشتريه كنت اشتريته من زمان بالفلوس
بس الحب ده احلى حلم حصلى واتحول لكابوس
اسف جدا وانا اسفى ياريته يشيل ذنبى وذنبك
اتمنيت اموت لو بعدت او سافرت ومبقاش جمبك
المكان اللى حلمت انى اكون فيه هو حضنك
وياترى لسه انا زى ماكنت متربع فى قلبك
ولا اترميت فى مكان معرفهوش مبقتيش عندك
كلمة منك ضيعت احلام مابينا احلام فى حبك
كلامى مش هيفيد او هيقدم قلبى دلوقتى بيتالم
للاسف محضرتش حاجة ونسيت انا اتعلم
الجرح ساكت ملهوش لسان ولا عارف يتكلم
بس فى قلبى الجرح بيوجع وخلاص علم
وانتى ولا همك وجعى انا منك مذهول ومبلم
الحب راح فين نفسى يكون شاهد يصرخ ويتالم
بس مفيش محكمة عادلة تعرف يا حبيبتى تحكم
نفسى افوق من كله ده واحكى للناس حكايتى
هتكتب فى ورقة الحكاية من الاول هقول روايتى
متزعليش منى لازم احكم الناس ياريت ماتتضايقى
هما دول اللى بثق فيهم وانتى حبيبتى اللى بداتى
قلبى كان ماسك فيكى وبيحرسك انتى اللى سيبتى
بس معلش مفيش بداية بعدك ديه بقيت نهايتى
بسهولة سابت حب كان عايش بقاله سنين
والجرح بيبكى ليه مش عارف ماله حزين
دموع نازلة من كل قلبى مليانة انين
قلبى حاسه تايه مش عارف يخرج شكله سجين
ماله ايه اللى جرى مبقاش ليه فيه حنين
النور انطفى منه خلاص بقى اعمى مسكين
مش عايز عطف من حد انا هدويه من جرحه الاليم
مش هخليه يحس زى الاول انه بقى يتيم
بقلمى
احمد جمال
