عملت ايه

ليه كل حد بيهمه انه يحقق الاهداف
طب هو واثق ومتاكد انه مش بيخاف
الموت يدق الابواب اللى مات اكيد شاف
مفيش حاجة بتنفع غير عمللك ومات بالالاف




عملت ايه عشان تقدمه لربنا فى اخرتك
ولا عن الاخرة خلاص الدنيا بهمومها شغلتك
بس جنته احلى لو قولت انك عايش جنتك
فى الدنيا مفيش جنة صدقنى مش بخدعك





انا نفسى مانساش وافضل اعبد ربنا
طريقة سهل وعلى الجنة اكيد هيدلنا
عارف ومتاكد مفيش شك انه بيحبنا
بس احنا نطيعه ونديه حقه مش هيبعد عننا





خايف انا اقابله وانا مش مستعدله
عايز اشوف وابدا الطريق من اوله
يارب ساعدنى الصعب قادر تسهله
وطريقك وعدتك من قلبى هكمله






اصل لازم اخاف الدنيا مش باقية
وانا مش عايز افضل تايه وكانى فى ساقية
السكة قدامى بس عينى مكانتش شايفة
الحمد لله لحقت مكانى والجنة اكيد جاية



الشيطان بيستعدللك وراسم خطته
هيوقعك فى الحفرة هيجيبك لسكته
عايزه لما يجيللك تقوم تقف وتثبته
بسم الله يغور الواطى ملهاش لازمة دنيته
وبكتاب ربنا تقرا اياته واكسب محبته
عشان هموت واكيد انت كمان عايز جنته






يالا نسمى ونقول بقلوبنا توكلنا على الله
نطير كلنا نتوضا وبصوت واحد حى على الصلاة
ابوابه هتفتح لينا ونشوف النجمة فى سماه
لما تبص هتستعجب من عظمته وقدرة الاله
خلق كل حاجة فى وقتها سبحان ربى على الحياة
انا علطول بفكر فى رحمته ولا يوم بنساه
ربنا يساعدنا ننسى الشيطان ونصحى مانلاقاه
يكون البعيد مات وغار او حتى يكون اختفى









بقلمى
احمد جمال