الناس مالها

الناس مالها بقيت بتهتم بالمظاهر
بجد منظرهم مضحك جدا وساخر
عبيط جدا اللى يفكر انه فاكر
كسب وبقى من نوع فاخر





البنت دلوقتى بتشوف نوع عربيتك
ميهمهاش حبيبى ايه هيا شخصيتك
المهم اللى معاك وشايله فى جيبك
اكيد مش كله كده بس الاغلب مظاهر
بمظهرك البنت هتشوفك وتقول حبيتك






حتى فى الجواز بتقدر يبقى لازم تدفع
انتى بتشتريها مش هزار ياما تخلع
عايزنى تدفع وكلامك كله انا مستعدة اسمع
بس انتة متكسفنيش وخليك جنتل وادفع





غريبة يا دنيا ناسك لازم يندفع فيها
كانها والله بقيت سلعة عايزنها نشتريها
واللى مش عايزها ممكن يخليها
قيمتك مش بالفلوس انتى كده بترخصيها






الفلوس ديه سبحان الله شئ ملعون
وصل كل الناس لمرحلة صعبة من الجنون
غيرت مش عارف ليه ملامح كل الكون
سيطرت على العقول خليته بقى مسكون




قلوب الناس واحساسيهم متتقدرش
اللى باع نفسه ده مسترخسش
انا خفت جدا وايه اللى يحصل او محصلش
الناس هتفضل كده ولا ماهتتغيرش




الاب  بيبع فى بنته كانها عربية
من نوع ممتاز اصلها غالية شوية
ومش هتلاقيها عند حد لانها اصلية
ولو هتسال برده غيرها نادر ياعنيا




ربنا يرحمنا من الايام اللى جاية
حاجات غربية بتحصل فى الدنيا ديه
الاسوء هيجى مش هتفضل مستخبية
الايام هتبقى مليانة قسوة مش حنية
الفلوس بتغير نفوسنا الصافية الملغية
بس ياريت نحافظ على قيمنا المنسية






بقلمى
احمد جمال